wanleung – Page 6 – 寓意於物

信不信由你，大仙顯靈

大仙真係好靈，我9月去求過簽，求同某某合作後，公司的進展，求得46下下簽，謂：左慈戲曹操
第四十六籤下下左慈戲曹
籤文：
黃柑數盒獻曹公剖看原來肉盡空
怒動奸雄揮鐵斧奔忙身入萬羊中
解籤：
古人有獻柑數盒於昔曹操。將其柑剝開。無個有肉。激怒曹操。以斧頭斬之。奔入萬羊中退避。此乃假局欺人。惹禍歸身。有凶無吉矣。求得此籤者。凡事凶多吉少。急宜多行善事。凡事要真真實寔。方能化凶為吉也。要防小人是非口舌。
病有險孕有驚名不遂
財不生婚未合宅未寧
蚕與畜少收成問行人
無歸程謀望事不可行
結果，我公司成班人真係唔方唔變曹操。
我初時以為只會係一些錢銀問題，點知原來比錢銀更大件事……..
大仙又顯靈.
再算卦，今次事件，為澤天夬變雷水解。
意即不能拖一定要斷，才能雷水解。

全部都係我們錯

全部都係我們錯.

個客改REQUIREMENT加新REQUIREMENT而無加時間, 我們趕到痴Q線, OT O 到仆晒街, 攰到抽筋, 係我們錯.

班友唔Q識寫API, 都算, 份DOC同個API又唔同, 我們跟足DOC做野唔WORK, 原來又係我們錯.

之前又話乜Q SUPPORT都有, 又話幫手這樣那樣, 有TEST ACC同CODE, 到頭來班友乜Q都唔知又唔識搞, 能力不足, 原來又係我們錯.

我們日日做到跳晒老舞, 原來中間人唔知發生事同REQUIREMENT有大更改, 班友都唔跟約做, 我們現在出聲, 又話我們遲出聲, 又係我們錯.

我們自己要理返咁Q多事情, 同之前無Q分別, 咁我點解要合作, 我不明. 我重要唔知能唔能夠收到錢……….加班費都蝕埋……………

真係, 最錯那個應該係我, 我錯晒……….

Protected: It’s time to terminate it. Reboot myself.

Raspberry Pi 廣東話教學

本人自製了一些片上YOUTUBE，作為初學者學習使用Raspberry Pi的教學。

如有任何問題，以及想知的事，請到HKCOTA的Facebook專頁留言。
https://www.facebook.com/hkcota

FOSSASIA 2014 柬埔寨之旅

FOSSASIA 2014於2月28日至3月2日在柬埔寨首都金邊舉行. 因為受到FOSSASIA邀請出席, 並有半價機票連住宿. 於是在2月尾出發去金邊, 基於貪平, 乘坐馬來西亞航空去吉隆坡, 再轉機去金邊.
查過一下旅行資料, 柬埔寨位於熱帶, 去柬埔寨最好是10月到3月之間的旱季, 所以在FOSSASIA之後, 順道去邏粒參觀吳哥窟.

是次參加FOSSASIA, 我準備了三個題目, 一個是有關香港開源社群發展同狀況, 一個是有關怎樣去用開源軟體去設計可以scalable的後台系統, 最後一個係有關我們HKCOTA的主要教育項目–TinyBoy 3D printer的發展.
另外, 亦帶了一部TinyBoy 3D printer原型機去展覽.

最後, 由於日程問題, 最終我只能講到2個TOPIC, 一個係3D Printer, 而另一個係香港開源社群. 而其餘時間, 都係坐在booth入面, 去demo部Tinyboy 3D Printer.

當中, 有一件小事發生, 由於舟車勞動, 部TINYBOY入面其中有一個原件斷掉, 由於無帶後備, 差點以為第一日就DEMO不了, 幸好了解過斷掉的地方後, 靈機一動用了一些有趣方法, 總算能救回.

之後, 有大量中學生同大學生來FOSSASIA這活動, 而部TINYBOY, 每位學生都看得津津有味, 不斷問問題及討論, 反應非常好.

一連3日的活動, 來了不同國家的不同OPENSOURCE群體的代表.

活動完結, 當然要慶功. 多謝Phnom Penh同Mario舉辦是次活動, 並邀請我出席.

原本活動係三日, 但由於我假期不多, 又想去吳哥窟, 於是無出席第三日的WORKSHOP.
那麼, 第三日早上, 我就由金邊出發, 坐五小時巴士, 去邏粒. 由於FOSSASIA的工作人員講, 坐小巴會比坐大巴士安全, 所以經他們幫助, 去BOOK小巴坐.

由於時間關係, 我只有三日去參觀吳哥窟古蹟群. 吳哥窟, 其實係一大堆古高棉時代高棉王國的宗教遺蹟.
租TUKTUK三日, 價錢要250美完, 因為只有我一個人獨自去的關係, 價錢好貴……如果我能遲3日, 正好我離開那日認識2 TEAM日本人同住我住那間旅管. 在交換情報後, 教他們怎樣租車, 他們合共三人加埋可以平分, 化算好多……
第一日遊小吳哥, 主要係吳哥窟主廟, 吳哥微笑, 戰象台, 皇家浴池等遺蹟, 以及在山上看日落.